July
26
/ 2023
সকলোকে কন্দুৱাই অজানা দেশলৈ গুছি গ'ল উমাকান্ত বৈৰাগী । বিগত চাৰিমাহ ধৰি যকৃত ৰোগত আক্ৰান্ত হৈ জীৱন মৃত্যুৰ যুঁজত হাৰ মানিলে টোকাৰী গীতৰ সম্ৰাটজনে । বুধবাৰে পুৱা ৭.১০ বজাত হেঙেৰাবাৰীৰ কাঞ্চন নগৰৰ বাসভৱনত শেষ নিশ্বাস ত্যাগ কৰে শিল্পীগৰাকীয়ে। মৃত্যুৰ সময়ত তেওঁৰ বয়স আছিল ৮০ বছৰ।
১৯৪২ চনত জন্মগ্ৰহণ কৰা শিল্পীগৰাকীয়ে সৰুৰ পৰাই ককাদেউতাকক দেখি টোকাৰী গীত আৰু দোতোৰাৰ প্ৰতি আকৃষ্ট হৈছিল। কেইবা দশক ধৰি টোকাৰী গীত গাই অসমীয়া লোক-সংকৃতিৰ ভৰাঁল চহকী কৰি থৈ গ'ল এই মহান শিল্পীগৰাকীয়ে।