পোহনীয়া কুকুৰ চুৰ কৰি আৰক্ষীৰ জালত দুটা কুকুৰ চোৰ…

মহানগৰীত এইবাৰ কুকুৰ চোৰ। জালুকবাৰী থানাৰ আৰক্ষীৰ জালত পৰিছে দুটাকৈ কুকুৰ চোৰ। কামাখ্যা কলনীৰ ৰাণা দাস ওৰফে গুডু নামৰ চোৰটোৱে এঘৰ মানুহৰ পৰা এটা জাৰ্মান চেফৰ্ডৰ পোৱালি চুৰি কৰি লৈ যায়। পৰৱৰ্তী সময়ত পোৱালিটো মানস দাসৰ পেট শ্ব’পত বিক্ৰি কৰে ধৃত ৰাণা দাসে।

আৰক্ষীয়ে কুকুৰ পোৱালিটোৰ গৰাকীৰ গোচৰৰ ভিত্তিতেই অনুসন্ধান চলাই গ্ৰেপ্তাৰ কৰিবলৈ সক্ষম হয় ৰাণা দাস আৰু মানস নাথক। পৰৱৰ্তী সময়ত আৰক্ষীয়ে কুকুৰৰ পোৱালিটোক মালিকৰ হাতত গতাই দিয়ে। আনহাতে, কুকুৰ চুৰি আৰু চুৰি কৰা কুকুৰ ক্ৰয়ৰ অপৰাধত দুয়োকে গ্ৰেপ্তাৰ কৰি সোধা-পোচা অব্যাহত ৰাখিছে আৰক্ষীয়ে।