বি টি চি নিৰ্বাচন;পুৱা ৭.৩০ বজাৰ আৰম্ভ হৈছে ভোটগ্ৰহণ

আজি বি টি চিৰ পৰিষদীয় নিৰ্বাচন। বিটিআৰ এলেকাৰ ৪০ টা সমষ্টিত অনুষ্ঠিত হৈছে নিৰ্বাচন। মুঠ ৩,৩৫৯ টা ভোটকেন্দ্ৰত আৰম্ভ হৈছে ভোটগ্ৰহণ প্ৰক্ৰিয়া । পুৱা ৭.৩০ বজাৰ লগে লগে আৰম্ভ হৈছে ভোটগ্ৰহণ । বিয়লি ৪ বজালৈ চলিব ভোটগ্ৰহণ প্ৰক্ৰিয়া

নিৰ্বাচন আয়োগৰ তথ্য অনুসৰি বি টি আৰ নিৰ্বাচনত মুঠ ৩১৬ গৰাকী প্ৰাৰ্থী অৱতীৰ্ণ হৈছে । তাৰ ভিতৰত বাক্সা জিলাৰ পৰা ৫২ গৰাকী প্ৰাৰ্থী, চিৰাঙৰ পৰা ৫৬ গৰাকী, কোকৰাঝাৰত ১০০ গৰাকী, তামুলপুৰত ৪০ গৰাকী আৰু ওদালগুৰিত ৬৮ গৰাকী প্ৰাৰ্থী অৱতীৰ্ণ হৈছে । ইতিমধ্যে প্ৰতিটো ভোটকেন্দ্ৰতে শান্তিপূৰ্ণভাৱে চলি আছে ভোটগ্ৰহণ

পুৱাৰে পৰা পচন্দৰ প্ৰাৰ্থীগৰাকীক সমৰ্থন কৰিবলৈ শাৰী পাতিছে বি টি আৰৰ ৰাইজ । ইফালে শান্তিপূৰ্ণ পৰিস্থিতি যাতে অব্যাহত থাকে তাৰ বাবে প্ৰশাসনেও কটকটীয়া নিৰাপত্তা বেষ্টনী গঢ়ি তুলিছে । প্ৰতিটো ভোটকেন্দ্ৰতে পৰ্যাপ্ত পৰিমাণৰ নিৰাপত্তা বাহিনী মোতায়েন কৰিছে ।